zubdaa.com

خدمات إبداعية واستراتيجيات ذكية لتحقيق أهدافك التسويقـــــــية.

تأسيس التجارة الإلكترونية من الصفر

ودك تبدأ تجارتك، بس ما عندك شي تبيعه؟

مو لازم يكون عندك منتج جاهز، أو مورد تعرفه، أو خبرة في إدارة المتاجر الإلكترونية عشان تبدأ تخطط لمشروعك
في زبدة، نساعدك تنتقل من رغبتك في التجارة إلى خطوات تأسيس واضحة
من اختيار المنتج وتوفيره عبر شبكة موردينا، إلى إنشاء متجرك الإلكتروني وإدارته وتسويقه، وتخزين مخزونك وشحن طلباتك

أنت تجيب طموحك، وحنا نساعدك نرتب تفاصيل تجارتك

التجارة فيها تفاصيل كثيرة، ليش تبدأها لحالك؟

خلنا نختصر عليك دوخة البدايات

  • تبي تبدأ متجرًا إلكترونيًا، لكن الأسئلة كثيرة:
  • وش أبيع؟
  • من وين أجيب المنتج؟
  • كيف أنشئ المتجر؟
  • وين أخزن البضاعة؟
  • مين بيجهز الطلبات ويشحنها؟
  • وكيف أوصل للعملاء؟
كل سؤال منها يحتاج قرارًا، وكل قرار له تأثير على مشروعك
عشان كذا، جمعنا لك مجموعة من الخدمات اللي تساعدك في رحلة تأسيس تجارتك وتشغيلها
بدل ما تبحث عن مورد، وجهة تصميم، وجهة تخزين، وشركة تسويق كل واحدة لحالها، نساعدك ترتب هذه الاحتياجات ضمن مسار واحد

لأن البداية الواضحة توفر عليك حيرة كثير، وتخليك تعرف وش تحتاج قبل لا تبدأ

من أول منتج، لين أول طلب وما بعده.

وش نسوي معك؟

01 — نساعدك تختار المنتج
ما عندك منتج؟ نساعدك تستكشف الخيارات المتاحة من شبكة مورّدينا، وتدرس مدى مناسبتها لفكرة تجارتك وميزانيتك

02 — نوفر لك المنتج
نساعدك في توفير المنتجات المختارة من الموردين، وفق الكميات والتكاليف والاتفاق المتفق عليه. ويشتري صاحب المشروع مخزونه مقدمًا

03 — ننشئ متجرك الإلكتروني
نجهز المتجر لعرض منتجاتك وتقديم تجربة شراء مناسبة، بحسب متطلبات مشروعك ونطاق التنفيذ

04 — نخزن منتجاتك ونشحن طلباتك
بدل ما تحتاج مساحة خاصة لتخزين البضاعة، نوفر تخزين المخزون الذي اشتريته، ونتولى تجهيز الطلبات وشحنها عند ورودها

05 — ندير المتجر ونسوّق له
نساعدك في إدارة متجرك وتسويقه، ونتابع الأداء المتاح عشان نفهم النتائج ونحدد فرص التحسين

المنتج، المتجر، التخزين، الشحن، الإدارة والتسويق؛ تفاصيل مترابطة نساعدك تديرها من مكان واحد

مشروعك باسمك، والتفاصيل نرتبها معك

مو شرط تكون خبير تجارة إلكترونية عشان تبدأ

يمكن عندك وظيفة وتبي تبني مصدر دخل إضافي أو عندك رغبة تبدأ مشروعك الخاص، لكن البحث عن الموردين وطريقة التشغيل مأخرك ما تحتاج تعرف كل التفاصيل من البداية، لكن تحتاج تفهم الالتزامات والخطوات والتكاليف قبل اتخاذ القرار وهنا يجي دورنا
نساعدك ترتب الخيارات، ونوضح نطاق الخدمات، ونحدد وش يحتاجه مشروعك للتأسيس والتشغيل

ما نوعدك بأرباح مضمونة، لكن نساعدك تبدأ بخطوات أوضح وقرارات مدروسة

كيف تبدأ سالفتك التجارية معنا؟

01 — نتعرف على فكرتك
نفهم هدفك من التجارة، وميزانيتك المبدئية، ونوع المنتجات اللي ممكن تناسب اهتمامك

02 — ندرس الخيارات
نناقش المنتجات المتاحة ومتطلبات التأسيس، ونوضح لك التكاليف والخطوات اللازمة قبل اعتماد المشروع

03 — نجهز الأساس
بعد الاتفاق وشراء المخزون، نعمل على تجهيز المتجر وترتيب خدمات التخزين والتشغيل المتفق عليها

04 — نبدأ التشغيل والتسويق
نفعّل خطوات إدارة المتجر وتسويقه، ونتولى تجهيز الطلبات وشحنها عند ورودها وفق الاتفاق

05 — نتابع ونتعلم
نراجع مؤشرات الأداء المتاحة، ونحدد الفرص اللي تستحق الاهتمام والتطوير

المنتج، المتجر، التخزين، الشحن، الإدارة والتسويق؛ تفاصيل مترابطة نساعدك تديرها من مكان واحد

طيب، هل تحتاج رأس مال عشان تبدأ؟

إيه، وخلنا نوضحها من البداية

في نموذج زبدة، أنت تشتري كمية من المنتجات كمخزون خاص بمشروعك، وحنا نساعدك في توفيرها وتخزينها وتجهيز طلباتها وشحنها وفيه كذلك تكاليف مرتبطة بتأسيس المتجر والخدمات التشغيلية والتسويقية، يتم تحديدها حسب احتياج مشروعك والاتفاق هذا مو نموذج تجارة بدون مخزون أو بدون تكلفة، ولا يعني ضمان بيع جميع المنتجات أو تحقيق أرباح

دورنا إننا نوضح لك خطوات التأسيس ونساعدك في تنفيذ الخدمات المتفق عليها، عشان تدخل تجارتك وأنت فاهم تفاصيلها

الأسئلة اللي غالبًا تدور في بالك

إيه، نساعدك تختار من خيارات المنتجات المتاحة عبر شبكة موردينا، ونوضح لك متطلبات شرائها وتجهيز مشروعك

نموذج الخدمة يعتمد على شراء كمية من المنتجات مقدمًا كمخزون، ثم تخزينها وتجهيز الطلبات وشحنها عند ورودها

نوفر خدمة تخزين للمخزون المشمول بالاتفاق، لذلك ما تحتاج بالضرورة تدير مستودعًا بنفسك ضمن هذا النموذج

إيه، إدارة المتجر وتسويقه من الخدمات المشمولة في رحلة العمل المقترحة، وتُحدد تفاصيل التنفيذ في الاتفاق

ما نقدر نضمن المبيعات أو الأرباح. النتائج تتأثر بالمنتج والطلب والتسعير والمنافسة والتكاليف وعوامل أخرى

نبدأ بفهم فكرتك ومتطلباتها، ثم نوضح التكاليف المرتبطة بالمنتجات والتأسيس والخدمات قبل الاتفاق

ما عندك منتج؟ عندك بـــــــداية

فكرة التجارة الإلكترونية ما لازم توقف عند سؤال «وش أبيع؟»

خلنا نسمع وش تطمح له، ونشوف خيارات المنتجات المتاحة، ونرتب معك تفاصيل التأسيس والتشغيل والتسويق

Scroll to Top