zubdaa.com

خدمات إبداعية واستراتيجيات ذكية لتحقيق أهدافك التسويقـــــــية.

التصميم والإنتاج

العين تشوف التصميم، لكن الأثر يبدأ من الفكرة

مو كل تصميم جميل يوصل رسالة، ولا كل محتوى ملفت يعبّر عن شخصية مشروعك
في زبدة، نشوف التصميم والإنتاج كوسيلة تحكي قصة البراند، وتوضح قيمته، وتخلّه حاضر في ذهن جمهوره بالشكل المناسب
نفهم هويتك ورسالتك أولًا، ثم نحوّل الأفكار إلى تصاميم ومحتوى مرئي له معنى وهدف

لأن الشكل يلفت النظر، لكن الفكرة هي اللي تعطيه قيمة

ما نصمم عشان نشغل مساحة

كل عنصر لازم يكون له دور

لون، كلمة، صورة، حركة، أو حتى مساحة فاضية؛ كلها تفاصيل تؤثر على طريقة استقبال الجمهور لرسالتك.

عشان كذا، ما نتعامل مع التصميم كخطوة تجميلية تجي في نهاية الشغل. نبدأ بالسؤال: وش نبي الناس تعرف عن البراند؟ وش الإحساس اللي نبي نوصله؟ ووش التصرف اللي نبي نشجعهم عليه؟

ومن هالإجابات، يبدأ الاتجاه الإبداعي

نبي مشروعك يطلع بشكله الصح، ويقول الشي الصح، للجمهور الصح

وش نقدر نبدع لك؟

من شخصية البراند إلى التفاصيل اللي يشوفها جمهورك

• الهوية البصرية
نطور عناصر بصرية تعكس شخصية مشروعك، وتساعده يظهر بصورة متناسقة

• التصاميم الإبداعية
نحوّل الرسائل والأفكار إلى تصاميم تخدم المحتوى والحملات والاحتياجات التسويقية

• المحتوى المرئي
نطوّر محتوى بصريًّا يساعدك تعرض منتجاتك أو خدماتك بطريقة أقرب لجمهورك

• الإنتاج الإبداعي
نشتغل على تحويل الأفكار المعتمدة إلى مواد مرئية مناسبة لاستخداماتها التسويقية، بحسب نطاق الإنتاج المطلوب

الإبداع عندنا مو منفصل عن أهدافك

ممكن يكون عندك منتج ممتاز، لكن طريقة عرضه ما توصل ميزته وممكن يكون عندك براند له شخصية مختلفة، لكن محتواه يشبه عشرات الحسابات الثانية هنا ما يكفي نغيّر الألوان أو نستخدم صورًا أجمل نحتاج نفهم الرسالة، وطبيعة الجمهور، والسياق اللي بيشوف فيه التصميم عشان كذا، نربط الاتجاه الإبداعي بهدف واضح، ونبني عليه القرارات البصرية

ما نبحث عن تصميم يلفت النظر للحظة، نبحث عن فكرة تستحق الانتباه

كيف تتحول التفاصيل إلى فكرة؟

01 — نفهم البراند: شخصيته، جمهوره، ورسالته الأساسية

02 — نحدد الاتجاه: نرتب الفكرة والأسلوب البصري المناسب

03 — نصمم وننتج: نحوّل الاتجاه المعتمد إلى المخرجات المطلوبة

04 — نراجع التفاصيل: نتأكد من اتساق المخرجات مع الرسالة والهوية ونطاق العمل

عندك فكرة تستاهل تظهر بالشكل الصـــــح؟

سواء تحتاج هوية تعبر عن مشروعك، أو محتوى مرئيًا، أو تصاميم لحملتك القادمة، عطنا تفاصيل فكرتك وخلنا نحدد اتجاهها الإبداعي.

Scroll to Top