zubdaa.com

من نحن | نرتقي بعلامتك التجارية نحو آفاق جديدة من النجــــــــــــاح.

من نحن | عن زبـــدة

وراء كل خلاصة، تفاصيل تستحق الدراسة

زبدة شركة تسويقية إبداعية بمهارة سعودية، لكن نظرتنا للأعمال تتجاوز حدود التسويق
لأننا نؤمن إن لكل مشروع تفاصيل تسوي فرق بمستقبله؛ من فهم السوق واحتياجات العملاء، إلين اختيار الحلول المناسبة وتنفيذها وقياسها بعد
لأننا ما نكتفي بالأفكار الإبداعية، نتحدث بعد بلغة الأرقام، ونخلي البيانات والتقارير جزء من قراراتنا
علشان كذا، ما نتعامل مع التسويق على إنه بس خدمات منفصلة، هو جزء من منظومة متكاملة تساعد المشاريع على التأسيس والتطور والنمو

بالمختصر نغوص في تفاصيل مشروعك، ونطلع لك بزبدة الحلول

ليش زبـــدة؟

1- ما نستعجل الحل، قبل لا نفهم أصل التحدي

تخيل تصرف على الإعلانات، والمشكلة أساسًا مو في الإعلان!
يمكن المنتج يحتاج تقديم مختلف، أو تجربة الشراء تحتاج تطوير، أو توجد فرصة في السوق ما انتبهت لها
هنا يظهر الفرق في زبدة

ما نبدأ بعرض خدماتنا، نبدأ بفهم مشروعك: نغوص في تفاصيله، ندرس السوق والعملاء، ونربط الأرقام بالفرص، علشان نعرف إيش اللي يستاهل جهدك وميزانيتك

لأنك ما تحتاج أحد يبيعك خدمات أكثر، تحتاج أحد يعرف وش يحتاج مشروعك

وهذي زبدتنا:
نفهم أكثر، علشان تصير كل خطوة محسوبة ولها هدف
2- ما نشوف خدماتنا بمعزل عن مشروعك

نؤمن إن نجاح تجارتك ما يعتمد على التسويق وحده
المنتج، والسوق، وتجربة العميل، والحلول الرقمية، وطريقة التشغيل؛ كلها عناصر تؤثر على قدرة المشروع على المنافسة والتطور

ومن هنا تجي نظرتنا المختلفة، ما نكتفي بالسؤال عن الحملة اللي تبي تطلقها، نهتم نفهم الهدف اللي تبي تحققه من الحملة
وما نشوف المتجر الإلكتروني موقع يحتاج تصميم، هو واجهة تجارية يلزم تخدم تجربة العميل وأهداف المشروع
نجمع بين الفهم التجاري والتخطيط التسويقي والتنفيذ الإبداعي والتقني، علشان تصير كل خدمة نقدمها مرتبطة باحتياج واضح

مو مهم كم خدمة نقدم لك،
المهم وش القيمة اللي تقدر كل خدمة تضيفها

نبدأ من مكانك، حتى لو كانت البداية من الصفــر

مشروعك في أي مرحلة؟ عندنا طريقة نبدأ منها

ما تحتاج حلول أكثر بقدر ما تحتاج تعرف وين تركز جهدك
نفهم طبيعة نشاطك، ونراجع احتياجاته، ونساعدك تحدد الفرص اللي تستحق العمل عليها
ومن خلال التسويق والإعلانات، والتصميم، والبرمجة والتطوير، وتحليل الأداء، نشتغل على حلول مترابطة تخدم أهداف مشروعك
سواء كان احتياجك الوصول لجمهور جديد، أو تحسين تجربة عملائك، نبدأ بتحديد المشكلة ثم اختيار الأدوات المناسبة لها

رغبتك بالتجارة ما تعني بالضرورة إن عندك منتج جاهز، أو مورد تعرف تتعامل معه، أو خبرة في إنشاء المتاجر وإدارتها
وهنا نقدر نساعدك
في زبدة، ما نكتفي بإنشاء متجر إلكتروني، بل نساعدك في خطوات تأسيس تجارتك وتشغيلها.

  • نساعدك تختار منتجك
    من خلال شبكة موردينا، نساعدك تستكشف خيارات المنتجات وتحدد الأنسب لفكرة مشروعك
  • ننشئ متجرك الإلكتروني
    نجهز لك متجر يعرض منتجاتك ويوفر لعملائك تجربة شراء واضحة وسهلة
  • نوفر التخزين والشحن
    بعد شراء الكمية المتفق عليها من المنتجات، نتولى تخزين مخزونك وتجهيز طلبات العملاء وشحنها عند ورودها
  • ندير متجرك ونسوق له
    نساعدك في إدارة المتجر وتسويقه ومتابعة أدائه، لتصير خطوات التشغيل والتسويق مترابطة

بدل لا تدور كل جهة بشكل منفصل، نساعدك تجمع احتياجات تأسيس تجارتك وتشغيلها في مسار عمل أوضح

من اختيار المنتج إلى إدارة المتجر، التفاصيل اللي تشغلك هي أساس شغلنا.

كل مشروع له تفاصيلــه، وكل قرار له سبب

ممكن مشروعين يشتغلون في نفس السوق، لكن احتياجاتهم مختلفة تمامًا
واحد يحتاج يبني حضوره من البداية، والثاني يحتاج يحسن طريقة وصوله للعملاء، والثالث يحتاج يطور تجربة الشراء أو يوسع نشاطه
علشان كذا، ما نبيعك خطة قبل ما نفهم احتياجك، ولا نربط النجاح بعدد المنشورات أو حجم الحملات وحده
نركز على وضوح الهدف، ومنطق التوصية، وجودة التنفيذ، وإمكانية متابعة الأداء
ما نقدر نلغي تحديات السوق أو نضمن نتائج مو كلها تحت سيطرتنا، لكن نقدر نشتغل بمنهج واضح يساعدك تتخذ قرارات أفضل

لأن وضوح القرار يبدأ من فهم التفاصيل

مشروعــك يستحق أكثر من مجرد خدمة

سواء كنت تطمح تطور مشروعك الحالي، أو تبدأ تجارتك الإلكترونية وما عندك منتج إلى الآن، البداية عندنا واحدة:
نفهم فكرتك، ندرس احتياجك، ونحدد معك الخطوة اللي تستحق نبدأ منها

نتعب على التفاصيل، ونعطيك الزبدة.
Scroll to Top